SMMchi shtatga yoki autsorsga: vazifalar bo‘yicha solishtirish

Ijtimoiy tarmoqlarni yuritish uchun uchta asosiy variant bor: shtatga xodim olish, frilanser bilan ishlash yoki agentlikka topshirish. Har birining afzalliklari va cheklovlari bor.

Shtatdagi xodim

• Kompaniya ichida, mahsulot va jamoani yaxshi biladi
• Tezkor: yangilikni o‘sha kuni suratga olib joylay oladi
• Lekin bitta odam strategiya, suratga olish, montaj, dizayn va tahlilni bir xil yaxshi bajara olmaydi
• Kasal bo‘lsa yoki ketsa, ish to‘xtaydi

Frilanser

• Moslashuvchan, alohida vazifalar uchun qulay
• Bir vaqtda bir nechta mijoz bilan ishlaydi — vaqti cheklangan
• Natija ko‘p jihatdan bitta odamga bog‘liq

Agentlik

• Jamoa: strateg, mobilograf, montajchi, kopirayter, dizayner
• Jarayonlar va almashtirish: bitta xodim ketsa ham ish davom etadi
• Mahsulotni ichkaridan bilmaydi — kompaniya tomondan ma’lumot va tez kelishuv kerak

Qanday tanlash

Kichik biznes uchun ko‘pincha frilanser yoki agentlik foydaliroq. Agar ijtimoiy tarmoqlar asosiy savdo kanali bo‘lsa va kontent ko‘p kerak bo‘lsa, aralash variant ishlaydi: shtatdagi menejer kundalik ishni qiladi, agentlik strategiya va suratga olishni.

Har qanday holatda

Akkauntlarga kirish huquqi kompaniyada qolishi kerak. Kim ishlashidan qat’i nazar, vazifalar, hisobot formati va natija ko‘rsatkichlarini yozma kelishib oling.